Проблема семантического определения корня в

кабардино-черкесском языке

 

The problem of semantic definition of the root in Kabardino-Circassian language

 

Карданов М.Л., кандидат филологических наук

Кабардино-Балкарский государственный

университет им. Х.М. Бербекова

Kardanov M. L., candidate of philology,

Kabardino-Balkar state University,  after H. M. Berbekov

 

Аннотация: В статье освещаются проблемы, касающиеся вопросов исторического развития и современного состояния адыгских лексем, восходящих к корневым морфемам, в частности, их структурно-семантического наполнения. Выдвигаются новые подходы к данной проблеме и пути ее решения. В исследовании применены историко-сопоставительный, историко-типологический, а также метод внутренней лексико-семантической и словообразовательной реконструкции на основе лексических параллелей, существующих на материалах современного кабардино-черкесского и адыгейского языковых вариантов, при помощи которых выделяется структура и семантика корневых морфем, относящихся к эпохе  адыгской языковой общности, которые повлияли на основные тенденции их  дальнейшего развития в семантическом и структурном планах.

​

Abstract: The article highlights the problems related to the historical development and the current state of the Adyghe lexemes that go back to the root morphemes, in particular, their structural and semantic content. New approaches to this problem and ways of its solution are put forward. The study applied historical-comparative, historical-typological, as well as the method of internal lexical-semantic and word-formative reconstruction on the basis of lexical Parallels existing on the materials of modern Kabardino-Circassian and Adyghe language variants, with which the structure and semantics of root morphemes belonging to the era of the Adyghe language community, which influenced the main trends of their further development in the semantic and structural plans.

​

Ключевые слова: суффикс, корень, адыгский, абхазский, семантика.

​

Key words: suffix, root, adyghe, abkhazian, semantics.

 

Адыгэбзэр щIэныгъэ бгъэдыхьэкIэкIэ яджын зэрыщIадзэрэ илъэс куэд дэкIами, псалъэ къэхъукIэм ехьэлIауэ, псалъэхэм япкърылъ купщIэм епхауэ иджыри зэхэгъэкIыпхъэ, убзыхупхъэ Iуэхугъуэ куэд зэфIэхын хуейуэ зэрыщытыр шэчыншэщ. Этимологие, абхъаз-адыгэ бзэ гупым зэдайуэ псалъэ лъабжьэ хэтхэр зэхэгъэкIыным ехьэлIауэ щыIэ щIэныгъэ лэжьыгъэхэр зэрымащIэ дыдэм къапкърыкIкIэ, адыгэбзэм хэт псалъэхэр къыщыхъуа лъэхъэнэ елъытауэ утепсэлъыхьыныр икъукIэ гугъущ.

​

«…пасэ дыдэу кавказ къухьэпIэ бзэхэр щызэфIэува, зыщаужьа адыгэ-убых лъэхъэнэмрэ абхъазымрэ къыхэбгъэкI зэрыхъунум арэзы утемыхъуэнкIэ Iэмал иIэкъым», - етх Къумахуэ М. [I. с. 253]. Абы къыхэкIкIэ, абхъаз-адыгэ бзэ гупым зэдайуэ щыт псалъэ лъабжьэхэм я гугъу пщIын ипэ,  а Iуэхугъуэм и бгъэдыхьэкIэ нэхъ тыншу доплъ адыгеибзэ, къэбэрдей-шэрджэсыбзэу зэхэдмыгъэкIыу, адыгэбзэм и псалъэ лъабжьэхэм купщIэр убзыхуауэ къыхэгъэбелджылыкIыныр.

​

Морфемэ и лъэныкъуэкIэ адыгэбзэм и псалъэхэр щызэхэбгъэкIым деж, гу лъумытэу къанэркъым иджыри къэс суффикс, префиксу ябжу щыта куэдыр лъабжьэ морфемэу зэрыщытар икIи нобэр къыздэсым апхуэдэу зэрыщытыр. Абы дэщIыгъуу, аффиксхэм щыхагъэхьар мащIэкъым макъ дэщIыгъупхъэу (фонетикэ наращенэ) къэлъытэн хуейхэр.

​

Куэдрэ дрохьэлIэ морфемитIыр зыуэ щабж, псалъэм папщIэ, -р/-рэ Iыхьэхэр нобэрей, тхэрей, дыхьэшхрей, нэгъабэрей, лажьэрей, н. псалъэхэми. Щапхъэу къэтхьахэми, абыхэм ящхьхэми, -рей Iыхьэр псалъэ къэзыгъэхъу суффиксу къыщалъытэ бзэщIэныгъэлIхэм (Къумахуэ М., Шагъыр I., Урыс Хь.).

ЖытIэм щыхьэт техъуэу, зи гугъу тщIы, иджы щыIэ грамматикэм суффиксу къилъытэ морфемэм апхуэдэ щытыкIэ ухуиIэ зэрымыхъунур, абы -ей- Iыхьэр къызэрыхэгъэкIыпхъэр семантикэ и лъэныкъуэкIэ зэпкърытхынщ. Зи гугъу тщIы морфемэм иджырей адыгэбзэм купщIэу тIу щиIэщ:

​

1. Зи гугъу ящIыр зыгуэрым ейуэ зэрыщытыр: сысей «мой/моя», ей «его/её», Адыгей – адыгэм+ей «Адыгея (букв. Адыгов)», Къэбэрдей – Къэбардэ+ей  «Кабарда (букв. Кабардова»);
    

2. Зыгуэрым гуемыIуагъ щытыкIэ зэрыхуаIэр, Iеягъ кърырагъэлъагъуэ: - Iей. Егъапщэ:. гуей «зловредный», гу «сердце» + ей «дурное, скверное».
    

Япэ псалъэ гупым «суффиксым» купщIэ щаIыгъым - зи гугъу ящIыр зыгуэрым ейуэ зэрыщытыр – шэч къызэрытумыхьэным щыхьэт иджыри техъуэ щапхъэхэщ къуажэхэм адыгэ фIэщыцIэу зэрахьэхэр:  Къундетей (букв. Куденетово), Ислъамей (букв. Исламово), Мысостей (букв. Мисостово) н.

​

ЕтIуанэ псалъэ гупым морфемэм пкърылъ купщIэр наIуэ щыхъупэу щыткъым. Ипэм къыщытхьа щапхъэхэм морфемэ – ей-м зи гугъу ящIыр «зыгуэрым ейуэ зэрыщытыр» купщIэу щиIэмэ, етIуанэ щапхъэ гупым а морфемэм «гуемыIуагъ, Iеягъ», «зыгуэр ебэкIын», «зыгуэр емэщIэкIын» гупсысэ япкърылъын хуеякъым. КупщIэ зыбжанэ зиIэнкIэ хъуну лъабжьэ морфемэм къыщхьэщыкIыу, адыгэбзэм и аффиксхэм яIэри, яIэн хуейри зы купщIэщ: ин «большой» - инышхуэ «очень большой», дахэ «красивый» - дахэшхуэ «очень красивый». Суффикс – шхуэ- м нэгъуэщI мыхьэнэ иIэу бзэм щапхъэ щыдгъуэтакъым. «Зи щхьэ хущытыж псалъэр префикс щыхъур ар купщIэ щхьэхуэ зиIэ нэгъуэщI псалъэ гуэрым пыувэу абы категорие и лъэныкъуэкIэ бгъэдилъэхьэIамэщ, нэгъуэщIу жыпIэмэ тегупсысыкIа (отвлеченно) купщIэ гуэр иритмэщ», - етх Н.М. Штейнберг [4, 144-145].

​

Зи гугъу тщIа щапхъэхэми, илъабжьэкIэ къэкIуэну куэдми хэт псалъэхэм «аффикс» зыфIаща IупщIэхэм, купщIэ щхьэхуэ яIэу къыщокIуэхэр. Абы къыхэкIкIэ, зи гугъу тщIы IупщIэм мысуффиксу, атIэ купщIэ зыбжанэ зыгъуэта лъабжьэ морфемэу еплъын хуейуэ къыдолъытэ.

​

Морфемэ – ей-м купщIэ бгъэдэлъхэр нэхъ наIуэ хъун папщIэ, таблицэм къыщыдгъэлъагъуэнщ:​